18 Contoh Pantun dalam Bahasa Sunda, Menarik Dicermati

1. Si Eros purah gundam

Mawa elap kaluar ti imah

Nu rumaos kaum Adam

Kadé hilap netepan Jum'ah.

2. Kembang cula kembang tanjung

Kembang sagala domdoman

Rek sabulan rek sataun

Moal weleh diantosan.

3. Datang tamu urang Madrid

Eta malah gudag gidig

Tuh tinggaleun sholat magrib

Nukitu incuna jurig.

4. Batok kohok wadah huut

Meuli eunteung jang bikeuneun

Budak montok gede hitut

Nyeri beuteung, jeungjeuriheun.

5. Memeh ngagelarkeun kasur

Samak heula ambeh rineh

Memeh nyaritakeun batur

Tilik heula awak maneh.

6. Samping kageutahan dukuh

Di kelab di kaca ikeun

Nu matak maneh sing kukuh

Papatah geura imankeum.

7. Ka Jampang mawa pakarang

Ajang pe'rang makalangan

Ka akang naha sale’mpang

Akang sayang ngan ka yayang.

8. Pulas batis encit muntah

Meulina ti anu kumed

Reungeukeun kami papatah

Ulah resep ceceremed.

9. Nu ngaliwet dina dulang

Disuluhan ku palapah

Saha nu resep tutulung

Meunang ganjaran ti Allah.

10. Daun hiris dibeungkeutan

Dibawa ka juru masigit

Anu geulis ngadeukeutan

Hayangeun dibere duit.

11. Kaso pondok kaso panjang

Kaso ngaroyong ka mimbar

Sono mondok sono nganjang

Sono ngaloyor ka kamar.

12. Meuli wajit jeung jawadah

Dipake hajat kiparat

Masing rajin nya ibadah

Ngalap ganjaran aherat.

13. Datang tamu mawa waluh

Ema malah neangan suluh

Tuh tinggaleun sholat subuh

Nukitu jelma teu puguh.

14. Hurang leuwi cicing deui

Dina sumur kasaatan

Beurang deui peuting deui

Tetela umur ngorotan.

15. Opat baris salah nyambung

Mun tukang kakara ngabangun

Omat geulis ulah pundung

Mun akang kapaksa nyandung.

16. Mapay desa nu baranang

Manggih domba disimbutan

Aya mangsana datang

Aya oge mangsana amitan.

17. Ngarendos peuteuy keur parab oray

Isukna tuluy disangrai

Sanaos ayeuna atos paturay

Tapi silaturahim mah ulah peuray.

18. Angeun hurang sapariuk

Bawang angan dua sihung

Ulah mungpang kapiwuruk

Bisi ahirna kaduhung.

Sumber: Romadecade, Matakaca

Dapatkan artikel contoh berbagai tema lain dengan mengeklik tautan ini.