5 Contoh Geguritan Bahasa Jawa tentang Alam

Merapi

Saka kadohan katon gagah

Asep putih ndedel ing awiyat

Tilas dalan lahar katon cetha

Kena sunare Hyang Bagaskara

Merapi

Saumpama kowe bisa crita

Kabeh kadadean ing tanah Jawa

Wiwit jaman Mataram Kuna

Nganti madege Kraton Ngayogyakarta

Merapi

Sliramu anyekseni kridhaning bangsa

Wiwit nalika ngusir penjajah Walanda

Jaman mardika jaman Soekarno

Nganti jaman Soeharto

Jaman Habibie tumekaning Megawati lan Susilo

Merapi dadi saksi.

Segoro

Gedhe ora saged diukur paningal

Biru banyu kang ngayun-ayun

Minangka asta kang awe-awe

Yen teka cipratane kaya mutiara

Katon ayu banget kaendahane

Kaya dewi banyu sing njoget

Iku kang aran ombak.

Kabentang indahe bumiku

Tan katon ijo royo-royo

Para kewan pada manut mring ndarane

Ana ing sawah anggarap siti

Nanging, saiki ora koyo mbiyen

Nanging, saiki bumiku wis rusak

Koyo-koyo wis ora ana ijo-ijoan meneh

Karono ulahe manungsa

Leno marang wektu

Lan nglirwakake kewajiban

Marang gusti,

Sing akaryo jagad.

Sawah

Lemahmu kang ombo

Warnamu kang ijo

Penak yen disawang

Sawah

Anggonku nandur pari

Saben dino pak tani ngeramut kowe

Ana bekecot, ulo, tikus lan sapenunggalane

Sawah

Yen ora ono kowe aku lan sakabehane manungsa ora bisa mangan sego

Saben panen beras ngelumpok akeh

Janjiku ora bakal ngerusak kowe.

Angin sumilir, lintang selaksa wulan anyuluh

Nipta hening ing pesisir

Senajan guruh ombak ora putus-putus

Nalika purnama manjer ing tengah langit

Ana rasa ngambang ing njero dodo

Lir angin kang nyusup dunyoku iki

Amok ombak njeroneng raga

Sirep dadi tentrem ing njero ndunya

Lego karya segoro

Setiya tanpo semoyo.

Sumber: Lenteramata, Rahasiabelajar

Dapatkan artikel contoh berbagai tema lain dengan mengeklik tautan ini.