5 Contoh Cerpen Bahasa Jawa atau Cerkak

Ora kroso Minggu ngarep wis preian sekolah. Aku lan keluarga duwe rencana bakal dolan menyang griyane kakungku ning Gunung Sari. Desane kakungku ijek asri, kaline bening, lan sawah-sawahe katon ijo royo-royo.

Perjalanan seko omah ngasi omahe kakungku butuh wektu sekitar papat jam. Bar salat Subuh, aku langsung semangat adus lan nyiapne klambi ganti nggo liburan ning kono. Ra lali ibukku ya nyiapne sangu nggo dipangan pas ning ndalan.

Akeh pemandangan sing apik mergo perjalanan menyang omahe kakungku ngelewati gunung lan alas. Keluargaku budal seko omah jam pitu esuk numpak mobil.

Pas perjalanan, aku dicritani pengalamane bapak pas jih cilik ning desa mbien. Aku dewe asline ndue rencana dolan ning kali utawa sawahe kakung.

Ora krasa cerita ngalor-ngidol, wayah jam 12 awan jebul ameh tekan omahe kakungku. Kakungku wis siap ngenteni ning ngarep omah karo wajahe sing seneng banget gara-gara meh ketekanan aku.

Aku kan salah sijine putu sing disayang. Selama nek omahe kakungku, aku diajak dolan menyang kali, sawah, lan kebon. Aku seneng iso liburan sekolah ning desane kakungku.

Bapakku yaiku peternak ayam terkenal ing desoku. Bapak gadah kandang ayam katah ing mburi omah. Kandang ayam nek mburi omah kabehe ono limo, saben tiap-tiap kandang nduwe ukuran 5x6 meter ingkag kuat nampung ayam sing jumlahe 50 ekor.

Saben esuk aku mbantu bapak menehi pakan lan ngombe gawe ayam supoyo gelis gede lan payu larang. Pakan ayam sing biasa digunakne ono berbagai macem, kadang dipakani beras, jagung, utowo dedak.

Pakan kasebut biasa ditumbas bapak ten tengkulak khusus sing wes kerja sama suwe dadine iso oleh rego ingkang murah.

Ayam ing kandang mburi omah biasane dijupuki tigane saben dino, selain kuwi ono juga ayam ingkang khusus dijupuk daginge gae dipangan.

Alhamdulilah keluargaku saget wirausaha dewe soko kandang ingkang dibudidayakne bapakku. Aku seneng belajar ngingah ayam langsung karo bapak.

Aku duweni cita-cita sok bien gedhe bakal iso nerusne usahane bapakku supoyo luweh gede lan berkembang.

Minggu wingi aku ulang tahun umur 12 tahun, ibukku wis ngrencanakne gawe acara ulang tahun nek omah lan ngundang konco-koncoku. Pas kui, aku seneng banget diaturi ibuk nek ulang tahunku bakal dirayakne.

Sedino saurunge dino ulang tahunku, aku diajak bapak tumbas klambi anyar nggo dingo pas acara kui. Ruang tamu omahku yo dihias karo balon-balon lan pita sing meriah banget.

Ora ketinggalan, ibukku pesen roti ulang tahun sing bentuke minion koyo sing tak senengi. Sesuke, koncoku do teko nggowo hadiah. Enek sing ngekeki kado buku, pensil, tas, mbek sepatu. Aku seneng banget pas kui. Tenan.

Ing sore kang cerah, kejaba wisnu katon lunggung ono kursi ngarep omahe. Ulate mbesungut, atine katon nggondok.

"Buk, bapak dereng rawoh ta? Kok suwe eram." Pitakone wisnu marang ibune. Ugo tibak e wisnu wes dijanjeni bapake arep dijak mlaku-mlaku sore menyang toko sepeda.

Wisnu terus kelingan janjine bapak yen dheweke biso rangking 1 arepe ditumbasne sepeda anyar koyok sing wes dipingini wisnu katon suwe.

"Bapak jek kerjo nu, kayake bakal muleh rodho telat!," jawabe ibuk.

Wisnu nimpali dawuhane ibuk, "Lha bapak wingi pun janji ajenge numbasne aku sepedah anyar lo Buk, mosok bapak kesupen ya!"

Ora suwe banjur ono suworo motor melbu nek ngarep omah, Wisnu langsung mlayu mastekne yen suworo iku teko motore bapake muleh kerjo.

"Hore, Bapak rawuh……. Bapak rawuh……." Wisnu Sorak-sorak bungah atine.

Wisnu sing awale katon lesu, gelisah lan bingung ugo langsung semangat. Polae dino iki mau Wisnu tompo rapot lan dilalahe oleh ranking 1.

"Pak, sore niki sios tumbas sepedah anyar kagem Wisnua kan?"  Wisnu mastekne menyak bapake.

"Wah, anakku ranking 1 tenan to? Selamat yo Le….. ayo gek dang adus terus budal tumbas sepeda," jawabe bapake Wisnu.

Banjur tanpo basa-basi Wisnu langsung njupuk klambi lan mlaku nak jeding ados.

"Sak gebyuran ugo wis cukup-lah kanggo adus sore iki, ben cepet," batine Wisnu.

Rampung adus, Wisnu didandani karo ibuke, gawe minyak wangi lan pupuran merok-merok. Bar kui langsung nemoni bapake sing wes siap budal ngenteni nek ngarep omah.

Ing toko sepeda, Wisnu sampek bingung milih sepeda sing dipingini. Akeh pilihan sepeda sing ditawarke mulai rego 1jt-3jt apik-apik tur warnane katon nyenengke.

Sak wise milih-milih sepeda kang ono ing toko, Wisnu mulai sreg karo salah sijine sepeda kang warnane orange.

"Pak, aku seneng karo sepeda ingkang niki", muni Wisnu karo bapake.

"Sek, jajal tak takokne regane piro," jawabe bapake.

Banjur bapake Wisnu nakokne pedah orange kang dipingini wisnu menyak penjogo toko. Tibake rego sing dipingini Wisnu regone 2 jt.

Nanging, bapake setuju karo sepedh kui mergo bentuk lan warnane kang apik. Wisnu yakin yen sepeda kui durung enek sing duwe.

"Pancen jos tenan pilihanmu, Wis," dawuhe bapak menyang Wisnu.

Sak wise dibayar karo bapake wisnu, sepeda kui banjur digowo muleh menyang omah. Wisnu wes ora sabar gawe sepeda kui menyang sekolah, bengi iki jelas kroso suwe banget bagine wisnu.

Pas muleh sekolah aku karo kanca-kancaku duwe rencana arep nyambangi Andi sing wes gak melbu sekolah ono seminggu.

Jare konco-koncoku si Andi iku loro tipes, terus aku due ide urunan gae gawakne roti lan buah-buahan sing disenengi Andi.

Aku lan koncoku liane numpak sepedah bareng mergakne omae Andi ugo gak adoh tekan sekolahan. Ndilalahe pas nek tengah dalan ora sengojo ban sepedahku kenek paku.

"Do, pedahku kok kroso aneh ya lek di tumpaki," aku muni nek Edo.

"Lha emange konopo?" jawabe Edo.

"Sek jajal mandek tak deloke disek," balesku.

Terus aku karo Edo jajal mandek gawe ndelok pedahku sak temene kenek opo, sementara konco-koncoku liane budal disek gak enek sing eruh.

Mbasan didelok, tibake pedahku kenek paku lan bane gembos ora iso ditumpaki. Akire aku dikancani Edo nuntun pedah goleki tukang tambal ban.

Amergo posisi pas kui tibake ora ono tukang tambal ban, aku due rencana nitipke sepedaku ing omae salah siji warga cedak kunu.

Terus aku digonceng Edo nyusul koncoku sing wes podo budhal disek menyang omae Andi.

Aku matur suwun banget karo Edo, amergo Edo salah sijine sahabtku kang becik atine. Edo gelem mbantu koncone pas lagi kesusahan.

Setelah kedadean kui aku maleh akeh sinau tentang artine persahabatan.

Sumber: Adahobi, Ngertiaja

Dapatkan artikel contoh berbagai tema lain dengan mengeklik tautan ini.