5 Contoh Geguritan Tema Guru

Panjenengan tuntunan kawula

Tanpa panjengan

Bakal dados punapa kula

Panjenengan pahlawan ing gesang kula

Paring ilmu ingkang manpangat

Damel ngupadi gegayuhan

Matur nuwun guruku

Sedaya ilmu saking panjenengan

Bakal dados sangu kagem ngadhepi

Dinten-dinten ingkang badhe dumugi.

Wingi nalika sikil iki

Tumapak sandhuwure bumi

Durung paja-paja ngerti ha, na, ca, ra, ka

Alip, ba’, ta’, apa dene good morning teacher!

Lumakuning srengenge wis ganti

Panyawangku dadi padhang

Terawangan

Rasaku sangsaya …

Ora bisa dakgambarake

Sih tresnamu nabet njanget

Sajroning atiku

Lamun tanpa panjenengan

Bisa apa aku nepaki bumi iki?

Leladimu marang aku

Ora timbang karo piwalesku

Bu guru, pak guru

Jangkahku isih adoh

Uripku isih nyamut-nyamut

Sethithik setetes bun esuk

Iku wis cukup

Tinimbang banyu sekendhi

Marakake ati mati

Lepasen lakuku

Lilakna labuh labetmu

Dakumbare gagasanku

Sedyaku kasembadan

Donga pangestumu

Nuntun marganing sedyaku.

Pribadhimu kebak tuladha

Dhahar, ageman, lan, solah bawa

Kabeh sarwa prasaja

Ora neka-neka

Ora werna-werna

Jam pitu thet wis aweh tandha

Tandha yen wiwit makarya para dwija wiwit adol swara

Swara-swara kang ngumandhangake Kabecikan,kaprigelan, lan kawasisan

Minangka damar kanggo ngayahi myang bebrayan

Panjenengan pancen tlaten

Pakaryanmu kebak kawigaten

Pantes kinakbeten

Nadyan dudu putramu aku

Kok-gulawenthah tanpa ngetung wayah

Kok-gladhi kanthi gemati

Datan lali panjenengan paring wanti-wanti

Kanggo urip bisa mulya mukti

Aku mung bisa nyuwun marang Gusti

Piwalesan ingkang tanpa upami

Karaharjan kawadidan katentreman

Muga tansah pinaringan

Guruku... Pahlawanku.

Aku weruh panjenengan jumeneng ing mripatku

Ngasta sasuwir wektu

Nalika panyawang ketemu

Aku nggegem sayuta lampu saka sampeyan

Cahya ngelmu wis mlebu ing pikiranku

Nyatane aku pengin, dheweke njilma dadi titah

Panjenengan dadi pepadhang ing satengahe jiwaku sing peteng

Kaya tetes banyu ing ara-ara samun

Dhuh guruku

Panjenengan taman panguripan

Mayuta-yuta kawruh sampeyan nandurake

Ora kesel lan ora duwe pengarep-arep

Perjuangan kanggo ndhidhik generasi bangsa.

Bapak ibu guru tercinta

Masa sekolah kula kebak makna

Saking ingkang kula mboten ngertos punapa-punapa

Dados tiyang ingkang sarwi saged

Donga kita para siswa kangge guru

Berkah saha saras tansah kangge guru

Ingkang tulus lan ikhlas mucalaken elmi

Sedaya demi para siswa siswi

Ingkang paling sae kangge sadayaning guru ing Indonesia

Bingah tansah lan sejahtera

Sampun lelah mucal lare bangsa

Kangge mujudaken masa ngajeng majeng lan bingah.

Sumber: Sipintar, Yosefpedia

Dapatkan artikel contoh berbagai tema lain dengan mengeklik tautan ini.