16 Contoh Pantun Minang, Mengandung Makna Mendalam

1. Buruang alang inggok di barak

Pupuak dibali samo jo dadak

Satiok tabayang senum manih adiak

Karupuak dikunyah raso martabak.

2. Ka pasa Tabiang naiak Bendi

Pulangnyo harilah sanjo

Galak tabahak di meja judi

Menangih surang dalam pinjaro.

3. Urang Sijunjuang pandai manumih

Tumih kol jo kacang panjang

Bahemaik-hemaik dalam bapitih

Balanjo usah nan dagang-gadang.

4. Musajik Rayo ado di Padang

Payakumbuah punyo Pandai Sikek

Kok angan lah mulai panjang

Baa caro adiak ka dapek.

5. Ka sawah bambaok kabau

Kabau lalok di tapi ladang

Dek ulah iduik batahun di rantau

Lah lupo lida jo sama randang.

6. Duduak bamanuang di ateh lapiak

Sambia mangunyah nasi karak

Satiok tabayang senyum manih adiak

Karupuak dikunyah raso martabak.

7. Pai ka sungai naiak sepeda

Singgah sabanta di muko barak

Kok iyo lai adiak sayang ka uda

Lai amuah adiak jadi minantu amak?

8. Masak padi anak rang dusun

Disabik anak rang malalo

Kok siriah lah kami susun

Pinang baatok dalam carano.

9. Tasobuk selo nan jo kuok

Tarantang jalan nan ka bukiktinggi

Cabiak siriah salailah rokok

Bia nak sonang pulo hati kami.

10. Buruang sinurak buruang sinuri

Manari-nari ateh pamatang

Siriah golak pinang manari

Mancaliak rombongan nan olah datang.

11. Jam Gadang ado di Bukittinggi

Tampek manggaleh urang Baso

Kawan galak mudah dicari

Kawan manangih jarang basuo.

12. Sabana dingin di Padang Panjang

Pai ka sinan naiak oto

Adiak gadih dapek di urang

Sampai jando ditunggu juo.

13. Anak ketek mahambuih galambuang

Anak bujang pai ka ladang

Jikok dikana maso di kampuang

Taragak rasonyo ka maulang.

14. Gulai ayam campua paku

Sarapan pagi sabalun sikola

Jagolah sumbahyang limo wakatu

Jan lupo pulo basidakah.

15. Bareh lamak ado di Solok

Buah patai rasonyo paik

Rajin-rajinlah babuek elok

Bia salamaik dunia akhiraik.

16. Main layangan di padang laweh

Bukittinggi balai di hari kamih

Maingek galak adiak nan laweh

Aia putiah radonyo manih.

Sumber: Romadecade, Pelajarindo

Dapatkan artikel contoh berbagai tema lain dengan mengeklik tautan ini.